Сёньня па ўсёй Беларусі адбываецца разгляд прапановаў па фармаваньні ўчастковых выбарчых камісіяў. Ва ўсіх рэгіёнах краіны назіраецца татальнае неўключэньне прадстаўнікоў Партыі БНФ у выбарчыя камісіі. Так, з 68 вылучэнцаў у Менску ў склад камісіяў уключаныя толькі 8. З 16 чалавек, вылучаных ад Партыі БНФ у Горадні, уключаны 1 чалавек. Таксама 1 вылучэнец ад Партыі БНФ уключаны ў склад выбарчай камісіі ў Баранавічах.