Віктар Івашкевіч

Нарадзіўся 21 верасьня 1959 года ў Менску.

Скончыў завочна факультэт журналістыкі БДУ.

Працаваў стропальшчыкам на Менскай чыгунцы (1982-1990), выканаўчым скратаром БНФ “Адраджэньне” (1990-1995, 2003-2007), выканаўчым дырэктарам грамадзкага навукова-аналітычнага цэнтра “Беларуская пэрспэктыва” (1995-1999), галоўным рэдактарам газэты “Рабочы” (1997-2002).

У пачатку 1989-х актыўны ўдзельнік маладзёвых нефармальных аб’яднаньняў нацыянальна-дэмакратычнай скіраванасьці – “Майстроўня”, “Талака”, адзін з найбольш таленавітых арганізатараў розных акцый і мерапрыемстваў, у тым ліку марш-пратэсту па Заходняй Дзьвіне – Даўгаве супраць будаўніцтва Даўгаўпілскай ГЭС (1987), экалягічнага маршу па Прыпяці – адной зь першых чарнобыльскіх акцый пратэсту (1988), забастоўкі вадзіцеляў гарадзкіх аўтобусаў у Менску (1989), ініцыятар стварэньня страйкамаў на менскіх прадпрыемствах (1991).

Больш за 10 разоў атрымліваў адмінітсрацыйныя пакараньні. Арыштаваны, двойчы трымаў галадоўку (15 дзён). Штрафы прысуджаліся ў памерах, якія у шмат разоў перавышалі яго месячныя заробкі. У кастрычніку 2002 быў асуджаны на два гады за публікацыю ў газэце “Рабочы” пад час прэзыдэнцкай выбарчай кампаніі 2001 году артукулу “Вор должен сидеть в тюрьме”, у якім пракуратура ўгледзела паклёп на прэзыдэнта. Пакараньне адбываў у Баранавічах.

Праваслаўны.

Жанаты, мае сына і ўнука.

Намесьнік старшыні Партыі БНФ. Вылучаўся кандыдатам у дэпутаты на выбарах у Палату прадстаўнікоў Нацыянальнага сходу Рэспублікі Беларусь у 2008.

Віктар Івашкевіч

Ва ўчастковыя выбаркамы Менску трапіў толькі кожны дзесяты прадстаўнік Партыі БН ...

Уладзімер Лабковіч ня ўключаны ў склад участковай выбарчай камісіі

Партыя БНФ вылучыла 206 чалавек ва ўчастковыя камісіі