Вінцук Вячорка

Беларускі палітык і лідэр Партыі БНФ з 1999 па 2007 год.

Валянцін Вячорка нарадзіўся 7 ліпеня 1961 году ў Берасьці. Бацька быў памагатым першага сакратара Камуністычнай партыі Беларусі Пятра Машэрава, затым — намесьнікам старшыні Дзяржпляна БССР.

Скончыў філялягічны факультэт БДУ (1983) і Лінгвістычны інстытут АН БССР (1986).

Вінцук Вячорка працаваў выкладчыкам у Менскім дзяржаўным пэдагагічным інстытуце і ў Беларускім гуманітарным ліцэі, а таксама журналістам і намесьнікам галоўнага рэдактара часопіса «Спадчына».

З 1979 году Вячорка стаў актыўным удзельнікам нацыянальнага руху Беларусі. Ён зьяўляўся адным з арганізатараў некалькіх юнацкіх культурных груп і арганізацый: «Майстроўня» (1979—1984), «Талака» (1986—1989), Канфэдэрацыі беларускіх юнацкіх арганізацый (1988—1989).

Вінцук Вячорка быў кандыдатам у дэпутаты ў Вярхоўны Савет Рэспублікі Беларусь.

У 1988 зьяўляўся адным з арганізатараў Беларускага Народнага Фронту «Адраджэньне». Вячорка быў кіраўніком камісіі па праграмных дакумэнтах і чальцом кіраваньня партыі. У 1995—1999 гадах ён быў намесьнікам старшыні БНФ.

Вінцук Вячорка зьяўляецца заснавальнікам і кіраўніком адукацыйнай недзяржаўнай арганізацыі «Цэнтар Супольнасьць», а таксама быў кіраўніком працоўнай групы няўрадавага Збору Беларусі (1999—2000).

Вінцук Вячорка валодае некалькімі эўрапейскімі мовамі, мае 3 дзяцей — Радаслава, Ружана і Франак.

Вінцук Вячорка

Ва ўчастковыя выбаркамы Менску трапіў толькі кожны дзесяты прадстаўнік Партыі БН ...

Уладзімер Лабковіч ня ўключаны ў склад участковай выбарчай камісіі

Партыя БНФ вылучыла 206 чалавек ва ўчастковыя камісіі